Obu' pandha' male' katopa'
Obu' lanjang ser-keseran
Mon ta' endha' duli ngoca'
Olle ta' lanjang ka pekkeran
Settong dhuwa' tello' empa'
Malem sennin ka jaba'a
Mon ta' endha' duli ngoca'
Mon ekenning egiba'a
Bula abit ta' ngenom kopi
Mon morongnga lencak dhaja
Bula abit ta ngenom kopi
Mon kerrongnga tadha' padha
Dha' dhaja dha' lao'a
Mekol landhu' ngeppe' buku
Asomaja mon noro'a
Pokol bellu' dateng onggu
Ka gunong ngala' nyarowan
Kope bella kabaddha'a
Ate bingung ta' karowan
Nape bula katamba'a
